Pantaila
Programa 11
Maiatza 2024
Programa-segida bat planteatzen dugu, gure pantaila Dirdira Labetik igaro diren zinemagileen begiraden topaleku izan dadin. Programa bakoitzak hainbat pieza labur aurkezten ditu, aldi baterako espazio komun bat elkarrekin bizitzeko, materialtasunak, irudiak, soinuak eta istorioak elkartrukatuz.
Hiru film labur hauen hirietan oroitzapenak, inpresioak eta desioak bizi dira. In Ictu Oculi-ren artxiboko irudiek eta soinu biziek Gasteizko historiaren alegiazko sekuentzia bat sortzen dute; Brooklyngo etxebizitza sozial multzo batek bertako biztanleei Williamsburg Houses-en haiei eta haien bizitzei buruz hitz egiten entzuten diete; eta Bartzelona Anhel de Llum zuzendariaren familia harreman hautatuen eta maitasun bolloaren topalekua da. Arkitekturak bertan bizi diren istorioen esperientziak, ohiturak eta harremanak aztertzen ditu.
Fitxa teknikoa
Egilea: Jorge Moneo Quintana
Herrialdea: Espainia
Urtea: 2020
Iraupena: 15’00”
Fitxa teknikoa
Egileak: Irene Bartolomé & Tessa Rex
Herrialdea: Estatu Batuak
Urtea: 2016
Iraupena: 13’00”
Fitxa teknikoa
Egilea: Alba Cros
Herrialdea: Espainia
Urtea: 2023
Iraupena: 11’00”
Jorge Moneo Quintana
Arte Ederretan lizentziaduna EHUn eta Sormenezko Dokumentalaren Teoria eta Praktika masterra UABn. IDF Academy edo Berlinale Talents programa ospetsuetan parte hartu du, eta bere lanak DOK Leipzig, IDFA, Punto de Vista, Malagako Zinemaldia, Tirana International Film Festival, Filmadrid edo L ‘Alternativa jaialdietan erakutsi eta saritu dituzte. 2019an Orbainak zuzendu zuen eta 2020an In Ictu Oculi. Gaur egun, bere hurrengo filmean lan egiten du, Almanaka, eta Dirdira Laben lehen edizioan parte hartu zuen.
Irene Bartolomé
Bartzelonan jaio eta gaur egun Beiruten (Libano) kokatutako zinemagilea. ECAM Film School-en Muntaketa Zinematografikoan Lizentziatura bat du, Pompeu Fabra Unibertsitatean (Bartzelona) Dokumental Sortzailean Masterra eta Zinema eta Pantaila Estudioetan Masterra (Goldsmiths, University of London). 2014an SGAE beka bat jaso zuen New Yorkeko UnionDocs Documentary Art Center-en Collaborative Studio Program 2014-2015 ekitaldira joateko. Demonstration film luzean lan egin zuen, Victor Kossakovskyk zuzendutako proiektu kolektiboan, eta IDFA zinema jaialdian estreinatu zen 2013an. Gainera, Lunch time (2017) film laburra zuzendu zuen eta Tessa Rex artista bisualarekin The Williamsburg Houses (2016) film laburra zuzendu zuen. Dirdira Lab-en lehen edizioan parte hartu zuen Elegy of a City proiektuarekin.
Alba Cros
Zuzendaria, gidoilaria eta argazkilaria. Ikus-entzunezko Komunikazioa ikasi zuen Bartzelonako Pompeu Fabra Unibertsitatean, eta, karrera amaierako lan gisa, 2015ean filmatu zuen, Laia Alabart, Laura Rius eta Marta Verheyen lankideekin batera, Las amigas de Agata. Zaida Carmonaren La amiga de mi amiga (2022) filmaren argazki-zuzendaria (eta aktorea), David Moragasen Demà ho deixem (2022) film laburrarena eta Carlos Marquès-Marceten Els dies que vindran (2019) filmaren zuzendari-laguntzailea da, eta «Simfonies de ciutat» (CCCB i Dones Visuals) filmerako Anhel de llum izeneko pieza zuzendu du. Deriva (L ‘amor a batzegades) proiektuarekin Dirdira Lab-en bigarren edizioan parte hartu zuen.
Ikus-entzunezko proiektuak sortzeko eta garatzeko laborategi zein espazioentzako eskainitako laguntzen esparruan garatutako proiektua da hau.
Eragilea
Laguntzaileak
Babeslea
